近年韓國大熱嘅卡通人物Kakao Friends俘虜咗各地少女嘅心，而Baby版嘅「Little Friends」可愛程度更令人瘋狂。今個聖誕，一群Little Friends齊齊穿上聖誕裝束與你共渡浪漫佳節，與韓國品牌THEFACESHOP推出限量版聖誕彩妝及護膚產品，不論參加派對定係日常護理都可以帶住充滿聖誕氣氛嘅Little Friends們，為你嘅寒冷秋冬帶嚟一絲溫暖，用可愛融化冰雪！

 

Apeach Ryan聖誕限定卡通面膜 Little Friends窩心護理身體每一寸肌膚

每個韓妹都擁有白嫩有光澤嘅肌膚，除咗注重護膚外，佢地亦非常勤敷面膜。但對懶惰嘅女生而言，每天臉上冷冰冰地待上近半小時實屬一大折磨。而推出風靡一時有可愛動物面膜嘅THEFACESHOP喺今個聖誕推出人氣角色Apeach及Ryan樣子嘅限定面膜，禮盒中Little Friends裝扮成聖誕精靈及馴鹿，陪伴大家享受節日嘅歡樂時光。面膜蘊含透明質酸及蜂蜜提取物，有效鎖住水分，保濕同時亦能補充營養！
 
給予從頭到腳的身體護理 呵護秋冬乾燥敏感肌

每天都會接觸到身體嘅每寸肌膚無疑就係沐浴露啦，而且皮膚喺踩入秋冬後會變得乾燥，為免令肌膚有脫皮甚至敏感嘅可能性，選用成分天然優質及適合自己膚質嘅沐浴露十分重要。

Dr. Belmeur嬰幼兒溫和沐浴露及保濕霜擁有適用於敏感肌膚的低PH值及低刺激全效配方，溫和地清潔及護理大小朋友嘅肌膚。而Little Friends牛油果滋潤沐浴露及乳液外型係穿著馴鹿服裝嘅可愛Ryan，令你地喺沐浴時間保持最佳嘅假日心情。

潔面係所有護膚程序中最重要嘅一步，平日使用缷妝產品後仍會殘留部分化妝品喺臉上，而THEFACESHOP全新推出嘅Little Friends溫和潔面乳不但有輕盈嘅潔面泡沫，仲帶弱酸性嘅PH值，徹底去除污垢還能減低對皮膚嘅刺激。還有三款不同角色可愛嘅Little Friends護手霜，有蜜桃、牛油果及雪棉嘅水果香味，甜美地滋潤乾燥嘅雙手。
 
Little Friends節日限量系列 聖誕特別造型送禮自用都適用

秋冬乾旱嘅天氣往往令嘴唇乾裂、脫皮，要保持水潤雙唇更加係難上加難！THEFACESHOP推出一系列聖誕限量版Little Friends嘅唇妝產品，包括具收藏價值嘅Little Friends迷你唇膏套裝、有可愛角色戴住聖誕帽坐喺蓋子上嘅染唇液及Little Ryan匙扣護唇膏。

變身為馴鹿嘅小Ryan可緊扣喺你嘅鑰匙上，隨時隨地滋潤乾涸嘅唇部，方便攜帶之餘亦使唇部煥發活力。而迷你唇膏則有MLBB色系與紅色色系兩款選擇，與套裝中嘅其他顏色混合使用會有更佳效果。同時亦有限量版嘅馴鹿Ryan氣墊粉餅，可根據自己皮膚類型選擇適合嘅氣墊粉底，包裝充滿節日氣氛加上可愛造型嘅聖誕版Little Friends，可以自己收藏之類亦適合作為禮物送俾閏密！